تعرف ايه عن المنطق

هاي ازيكو انا حبيت نفرفش شويه كده ويارب تنبسطو

دى قصه بسيطه تعرفنا يعنى ايه منطق

واحد راح يستقبل ابن عمه في المطار
المهم وهم راجعين من المطار
بيسأله: انت بقا لك عشر سنين في أمريكا.. كنت بتدرس ايه؟
رد عليه ابن عمه : كنت بدرس علم المنطق
قاله : ايه هو علم المنطق؟
رد عليه: صعب اللي درسته فى عشر سنوات اشرحهولك فى ساعه بس انا هاديك
مثال على المنطق
قاله :
بييييس
سأله ابو المنطق : انتوا عندكم كلب في البيت, صح؟
رد عليه: ايوة عندنا
قاله: مدام عندكم كلب اكيد انكم عاملين له بيت فى الحوش
رد عليه: صح عاملين له بيت في الحوش
قاله : مدام انه عندكم حوش اكيد انكم عايشين في فيلا
رد عليه: صح إحنا عايشين في فيلا
قاله: مدام انكم عايشين في فلا اكيد ان ابوك غني
رد عليه: صح ابويا غني
قاله: مدام انه ابوك غني اكيد ان امك تقعد في البيت يعنى مش محتاجه
انها تشتغل رقاصة مثلا عشان تجيب فلوس
رد عليه:
صحيح امي قاعدة في البيت
قاله : هذا هو المنطق , انك تبني شيء علي شيء.
من وجود الكلب في بيتكم استنتجنا
ان امك مش رقاصة
رد عليه : يااااااااا هو ده المنطق؟

المهم .. صاحبنا راح عند صحابه بالليل وحب يتفزلك عليهم وسألهم ياشباب
تعرفو ايه هو المنطق ؟
رد واحد: لا والله ما نعرفش
قال : انا اعلمكم
سأل صاحبه: انتوا عندكم كلب في البيت ؟
رد عليه صاحبه : لا ما عندناش
قاله : تبقى امك رقاصة !!!!

هههههههههههههههههههههههههههههههههههههههههههههههههههههههه هو دة المنطق فعلا انا عارفة ان الواحد لما يقع مبيقومش يبقى هو دة المنطق نايس توبيك يااقمر توبيك يجنن

بس انا هااقوللك يعنى اية منطق

المعنى المصطلح للكلمة :

لا نريد أن ُنعرّف المنطق تعريفاً دقيقاً -أعني جامعاً ومانعاً- لأنَّه ليس بإمكاننا أن نُعرِّف العلوم تعريفاً لا يشذُّ عنه شيءٌ، ذلك لأنَّ العلوم هيَ مسائلُ مختلفة يجمعها محورٌ واحدٌ وهو الموضوع أو مسائل تنصبُّ في أمرٍ واحد هو الغاية. فكلُّ من يريد تعريف العلم، يحاول أن يأتي بقَولٍ يشتمل على ذلك المحور أو ينتهي إلى تلك الغاية، فنراه لا محالة يزلُّ في بعض الجوانب ويخطأ، فلا يكون تعريفه شاملاً ومستوعباً لكلِّ مسائل العلم أو مانعاً ومُخرجاً للأمور البعيدة عن ذلك العلم.

ومن هنا نقول: إن التعاريف التي ذكرها القوم -رغم الملاحظات الواردة عليها من حيث الاطِّراد والانعكاس- كلّها تستهدف حقيقةً واحدة وهي أنَّ المنطق هو:

"قانون التفكير الصحيح"

فإذا أراد الإنسان أن يفكِّر تفكيراً صحيحاً لابدَّ أن يراعي هذا القانون وإلاّ سوف يزلّ وينحرف في تفكيره فيحسب ما ليس بنتيجةٍ نتيجةً أو ما ليس بحُجَّةٍ حجَّةً.

وقد عُرِّف علم المنطق أيضا بأنه :

"علم يبحث عن القواعد العامة للتفكير الصحيح"

فهو يبحث عن القواعد المتعلقة بجميع حقول التفكير الإنساني في مختلف مجالات الحياة، لا ما يخص جانباً معيَّناً، إذ أنَّ هناك قواعد يُحتاج إليها في علم خاص كعلم النحو أو البلاغة أو الأصول أو التفسير فلا علاقة للمنطق بها بما هي قواعد ذلك العلم. نعم للمنطق إشراف دقيق على مدى صحَّتها أو سقمها.

فهو إذاً وسيلةٌ للتفكير الصحيح في كافة مجالات العلوم على اختلافها، ولهذا سمي بالآلة

تانكس يا جميل علي مرورك واكيد مش المنطق زي ما صاحبنا قال انا قلت نفرفش شويه

وبعدين ده الفلسفه والمنطق دي لعبتي وتخصصي تعرف ايه عن المنطق Icon_basketball

اة دة علم جامد جدا وبعشقة قوى وعايز دماغ تكون شغالة مش اى كلام يعنى ثانكس للتوبيك روعة بحد

تسلمي ياقمر التوبيك نور بوجودك فيه تعرف ايه عن المنطق Icon_cheers